Trajneri i kombëtares së Francës, Didier Deshamp ka thurur elozhe për lojtarët dhe arritjen për tu kualifikuar në kampionatin Botëror të Katarit. Ai ka theksuar se ky grup lojtarësh është i pamposhtur.
“Ndeshja shkoi mirë për ne, edhe pse kishte rëndësi më të madhe për kundërshtarin tonë. Mendoj se mund ta them që ky vit ishte pozitiv për ne, përveç dhjetë minutave fatale ndaj Zvicrës.
Jemi të pamposhtur në një vit kalendarik, edhe pse përballja me Zvicrën konsiderohet humbje. Në çdo rast kemi treguar se jemi shumë kompetitivë.
Fituam Nations League dhe u kualifikuam në Katar 2022. Botërori është larg, na takon neve të mbajmë përqendrimin e lartë në kuadër të kompeticionit më të bukur që ekziston”, theksoi Deshamp.
Discussion about this post