Klodiana Celo, nëna shqiptare, e cila disa ditë më parë ka tentuar me një armë zjarri të vrasë ish-partnerin dhe babain e vajzës së saj, ka zbardhur detaje të reja lidhur me motivet e kësaj ngjarjeje.
Shqiptarja së fundmi ka deklaruar në televizionin “Mega” se gjithçka e bëri për të mbrojtur fëmijën, duke mohuar kategorikisht dëshmitë e të afërmve të saj.
“Vajza u mundua të ikte me justifikimin se kishte parë një shok klase…në atë moment ai nxori armën dhe i tha mos lëviz ndalo, do qëlloi me armë dhe do them që e ka bërë nëna jote”, tha ajo për televizionin “mega”.
Celo ka treguar momentin kur tentoi t’i merrte armën për ta ndaluar, por gjatë përleshjes njeri prej tyre shkrepi armën dhe la të plagosur 70-vjeçarin në asfalt dhe në sytë e fëmijës së tyre.
“I kërkova të ndalonte. Më pas iu vërsula dhe në atë moment njeri nga ne shkrepi armën, nuk e kam të qartë se kush, unë apo ai.”, tha 49-vjeçarja.
Nëna shqiptare, e cila prej kohësh jeton larg vajzës së saj tha se gjithçka e bëri për atë që ta mbronte.
E pyetur nëse është penduar lidhur me ngjarjen, me zë që thyhej nga lotët ajo pyeti “A janë penduar ata që më morën fëmijën për 5 vjet dhe shkelën mbi kufoma për ta bërë këtë?”.
Discussion about this post