E njëjta problematikë, i njëjti justifikim. “Rrjedhja e tezës online teksa maturantët testohen nuk cënon procesin”. Kështu e justifikoi një vit më parë, ministrja e Arsimit e kohës Evis Kushi shkeljen e rregullores për Maturën Shtetërore, me publikimin e tezave online teksa maturantët testoheshin në salla.
Ekzaktësisht të njëjtat fjalë ka zgjedhur edhe ministrja aktuale Ogerta Manastirliu për të justifikuar dështimin kronik në këtë aspekt.
“…Akti i shëmtuar i fotografimit dhe publikimit të tezës së provimit të maturës të gjuhës së huaj, pasi ka nisur provimi, nuk ndikon aspak në proces dhe as nuk zhvlerëson punën dhe mundin e mijëra mësuesve e punonjësve arsimorë, që janë angazhuar prej muajsh që ky proces të jetë transparent dhe i drejtë për të gjithë nxënësit”, thuhet në një njoftim të ministrisë së drejtuar nga Ogerta Manastirliu.
Më tej në reagim, përmenden edhe masat e mara “për përmirësimin e procesit”, që megjithatë nuk duket të kenë ndaluar publikimin e tezave.
Discussion about this post