“Destabilitet në Ballkan”, Rama për mediat greke: Shenjat jo të mira, duhet të jemi të kujdesshëm

Kryeministri Edi Rama ka dhënë një intervistë për mediat greke, i cili ka folur për shumë çështje që shqetësojnë rajonin.

Ai është pyetur nëse i druhet një destabiliteti duke iu situatës në Ballkanin Perëndimor pas zhvillimeve në Maqedoninë e Veriut, por edhe për shkak të krizës në Bosnje dhe Hercegovinë, ku tha se nuk gjendemi në një situatë të mirë dhe këto nuk janë shenja të mira.

“Nuk jam i shqetësuar për momentin sepse nuk mendoj se gjërat kanë arritur deri në atë pikë sa të kemi frikë nga destabilizimi. Njerëzit në Ballkanin Perëndimor e dijnë se destabilizimi nuk është i mirë për askënd, as për ata që sipas gjasave e synojnë  destabilizim. Megjithatë, ne nuk gjendemi në një fazë të mirë dhe këto nuk janë shenja të mira. Duhet të jemi të kujdesshëm” – ka thënë Rama.

Rama gjithashtu u pyet edhe për marrëshëniet me Turqinë, që sipas tij miqësia mes Shqipërisë dhe Turqisë duhet të forcohen akoma.

“Nuk jam në  dijeni se ka ndonjë gjë që e lidh Turqinë me ndonjë formë apo trajtë destabilizimi. Unë di se Turqia është një partner strategjik për Shqipërinë, siç është edhe Greqia, siç është edhe Italia. Turqia është një mik i ngushtë i Shqipërisë. Ne duam të forcojmë miqësinë tonë. Nuk shoh Turqinë të ketë një axhendë për të minuar kursin evropian të Ballkanit Perëndimor”- ka thënë Rama.

Intervista u zhvillua mbrëmjen e së enjtes përmes WebEx, pak pasi Edi Rama u kthye në Tiranë nga Beogradi, ku u takua me presidentin serb Aleksandër Vuçiç dhe zëvendëspresidentin e Maqedonisë së Veriut, Nikola Dimitrof.