Ka dalë ekspertiza paraprake për vrasjen e Luiza Mullallit në Maliq, nga bashkëshorti i saj Gjergji Mullalli, me të cilin ishin në proces divorci. Policia ka saktësuar se 46-vjeçarja është qëlluar me armë zjarri fillimisht dhe më pas është hedhur në gropën septike që ndodhej pas banesës ku ajo jetonte me djalin, pasi autori nuk duhej t’i afrohej pasi kishte urdhër mbrojtje.
Policia e ka shpallur në kërkim 55-vjeçarin për veprën penale “Vrasja për shkak të marrëdhënieve familjare”.
Njoftimi i policisë:
Në vijim të informacionit paraprak të dhënë mbrëmjen e djeshme i cili bën fjalë për një vrasje të ndodhur në fshatin Zëmblak, Maliq, ju informojmë se:
Specialistet e Seksionit për Hetimin e Krimeve kundër Jetës dhe Personit të DVP Korçë, në bashkëpunim me shërbimet e Komisariatit të Policisë Maliq, në vijim të veprimeve procedurale të kryera në lidhje me këtë ngjarje referuan materialet në Prokurori dhe shpallën në kërkim shtetasin Gj. M., 55 vjeç, banues në fshatin Zëmblak, për veprën penale “Vrasja për shkak të marrëdhënieve familjare”. Nga hetimet e kryera dyshohet se ky shtetas për motive të dobëta ka vrarë me armë zjarri bashkëshorten e tij shtetasen L. M., 46 vjeçe, të cilën më pas e ka hedhur në një gropë septike, pranë banesës së saj.
Nga ana e Policisë po vijon puna intensive për kapjen e autorit të dyshuar dhe dokumentimin e plotë të ngjarjes.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Foto e viktimes
Discussion about this post