Dalin detaje të reja përsa i përket aksidentit që ndodhi ditën e sotme në qendrën e Beratit.
Automjeti tip Benz, duke qarkulluar me shpejtësi nga lagjja Mangalem në drejtim të qendrës së qytetit, ka humbur kontrollin dhe është futur brenda një dyqani me pajisje elektro-shtëpiake ku kanë mbetur të plagosur 4 persona.
Shtetasit që mbetën të plagosur janë: Abaz Kaballi, Astrit Veliu, Tahir Radiu dhe Robert Sadikaj.
Mësohet se po këta persona, banues në fshatin Arëz në Tepelenë, ishin pelegrinë dhe sapo kishin zbritur nga Mali i Tomorrit ku më pas ndodhi edhe aksidenti.
Ergys Petro, personi i cili ndodhej në timon, u gjet pa ndjenja. Ai ndodhet në spital bashkë me të aksidentuarit.
