Detaje të reja kanë dalë nga vjedhja spektakolare në Tiranë. Rozeta Dobi, e cila ka qenë më parë punonjëse e kësaj shtëpie ka përdorur çelësin kopje që u ka mbajtur pronarëve të saj, pasi ka lënë punën.
Duke punuar më parë në këtë banesë, 49-vjeçarja dinte çdo lëvizje të pronarëve të shtëpisë dhe vjedhjen e kreu në momentin që nuk kishte njeri në shtëpi.
Pasi ajo dhe i biri kanë marrë sendet me vlerë dhe shumat e parave që shkonin në 120 mijë euro, ata kanë bërë rrëmujë vendin.
Kjo është bërë për të inskenuar sikur kjo banesë është vjedhur nga persona të tjerë. Ngjarja ka ndodhur më datën 15 dhjetor dhe në shtëpinë ku punonte 49-vjeçarja si pastruese jetonte një grua dhe vajza e saj.
Discussion about this post