Dhunohet gazetari Adriatik Doçi. Ngjarja ka ndodhur sot në Kamzë, teksa ai po futej për në banesë. Doçi është goditur me grusht nga një person ende i panjohur, i cili është më pas është larguar.
Policia po kontrollon zonën me qëllim identifikimin dhe kapjen e autorit.
Njoftimi zyrtar i policisë
Kamzë/Informacion paraprak
Më datë 13.11.2022, rreth orës 12:00, në Kamzë, në rrugën “Bavaria”, një shtetas ende i paidentifikuar ka goditur me grusht shtetasin A. D., 38 vjeç, me profesion gazetar, dhe më pas është larguar.
Specialistët për Hetimin e Krimit në Komisariatin e Policisë Nr. 5., në Kamzë, kanë administruar kallzimin e bërë nga gazetari A. D., dhe shërbimet e Policisë janë vënë menjëherë në lëvizje për kontrollin e zonës me qëllim kapjen e autorit.
Grupi hetimor po punon për sqarimin e rrethanave të ngjarjes, identifikimin dhe kapjen e autorit.
Discussion about this post