Kryetari i Bashkisë së Selenicës Pëllumb Binaj është dhunuar fizikisht për shkak të detyrës që ushtron. Konflikti ka nisur për shkak të linjës së furgonëve Vlorë-Sevaster dhe ka agravuar deri në përdorimin e dhunës.
Burimet bëjnë me dije se ngjarja ka ndodhur në Vlorë, ku palët janë takuar për të diskutuar mbi çështjen e linjës së furgonëve që shërbejnë për transportin e mësuesve, e cila i ishte premtuar një subjekti konkretisht agresorit Pellat Bonaj, por iu dha një tjetër personi.
Bashkia e Selenicës i ka dhënë të drejtën e ushtrimit të aktivitetit një subjekti tjetër jo subjektit që ishte në administrim nga Pellat Bonaj, i cili është vënë në pranga pasi goditi kryebashkiakun.
57-vjeçari Pellat Bonaj ka goditur Binajn për shkak të detyrës, teksa ky i fundit ka bërë denoncimin në komisariat. Bonaj po merret në pyetje për ngjarjen.
