Dhunuan bashkëshortet, arrestohet 2 persona në Berat

Policia e Beratit ka arrestuar paraditen e sotme dy persona. Lidhur me ngjarjen bëhet fjalë për një 37-vjeçar, i cili ushtroi dhunë fizike ndaj bashkëshortes së tij dhe një 50-vjeçar për të njëjtën vepër penale.

Nga ana tjetër, uniformat blu bëjnë me dije se në pranga ka rënë shtetasit me iniciale E.L., banues në Kuçovë dhe P. T., banues në fshatin Pështaj të Beratit.

Njoftimi i policisë:

DVP Berat/Arrestohen 2 shtetas, për dhunë në familje, dhe procedohet penalisht 1 tjetër, për krime kundër mjedisit.

Specialistët për Hetimin e Krimeve të Komisariatit të Policisë Kuçovë arrestuan në flagrancë shtetasit:

-E. L., 37 vjeç, banues në Kuçovë, pasi gjatë seancës gjyqësore për caktimin e urdhrit të mbrojtjes në favor të bashkëshortes së tij, e ka kanosur atë;

-P. T., 50 vjeç, banues në fshatin Pështaj, pasi ka ushtruar dhunë ndaj bashkëshortes së tij.

Specialistët e Seksionit për Hetimin e Krimeve të Komisariatit të Policisë Skrapar referuan materialet në Prokurori ku nisi procedimi në gjendje të lirë për shtetasin A. S., 57 vjeç, banues në Berat, pasi është kapur teksa transportonte me kamion, disa pllaka guri dekorative që dyshohet se i ka nxjerrë nga terreni i malit të Tomorit, në mënyrë të kundërligjshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.