Ndeshja e Liverpool dhe Leeds që ishte planifikuar ditën e diel është shtyrë, megjithatë për Jurgen Klopp ka lajme të mirë këto Krishtlindje.
Virgil van Dijk, Fabinho dhe Curtis Jones janë kthyer tashmë në qendrën stërvitore pasi ishin në izolim për Covid-19.
Të tre lojtarët humbën përballjet me Newcastle United, Tottenham Hotspur dhe Leicester City gjatë javës së fundit pasi dolën pozitivë nga testet.
Thiago, i cili gjithashtu regjistroi një test ‘të dyshuar’ pozitiv përpara ndeshjes së Spurs, mbetet në izolim deri në përfundimin e periudhës shtatëditore të detyrueshme.
Pavarësisht fitoreve kundër Newcastle në Premier League dhe Leicester City në “Carabao Cup” me penallti, mungesa e tyre u ndje mjaft në stadiumin përballë Tottenham.
Discussion about this post