Fallou Diagne, mbrojtësi i skuadrës së Vllaznisë ka kërcënuar skuadrën e Tiranës në vigjilje të përballjes klasike të kësaj të shtune. Ai ka theksuar se nuk e trembe aspak sulmuesi Majkëll Ngo dhe se është i bindur tek suksesi i kuq e bluve.
“Ndihem mjaft mirë, të gjithë janë të thjeshtë dhe janë shumë të mirë me mua, ndaj ndihem sikur të jem në familjen time. Mendoj se jemi mirë, jam në rritje, gjithashtu edhe skuadra. Mendoj se kemi kualitet në fazën mbrojtëse dhe është detyra jonë që të jemi sa më mirë në atë fazë. Frikë nga Ngo’o? Jam këtu për të dhënë më të mirën time për ekipin dhe për skuadrën njëkohësisht. Unë nuk kam asnjë lloj frike që të luaj kundër sulmuesve, kam interes se çfarë bëj unë në fushën e lojës. Unë kam lindur në një familje futbolli dhe atë e kam si një fe. Jam i përkushtuar që të bëj sa më mirë në fushën e lojës”, deklaroi Diagne.
