Ditën e sotme do të zhvillohen takime në kuadër të dialogut mes Kosovës dhe Serbisë, në Bruksel. Ky takim do të jetë në nivel kryenegociatorësh mes zëvendëskryeministrit të Kosovës Besnik Bislimi edhe shefi i delegacionit të Serbisë Petar Petkoviq. Në rend dite është parashikuar që të diskutohet për marrëveshjen për energjinë si dhe do të bëhen përgatitje për një takim të nivelit të lartë me kryeministrit Kurti dhe presidentit serb Vuçiç.
“I dërguari i posaçëm i BE-së Miroslav Lajçak, do të jetë mikpritës i një raundi tjetër të takimeve në kuadër të dialogut në nivelin e kryenegociatorëve. Takimi do të fokusohet në finalizimin e një udhërrëfyesi i cili do të ndihmojë në zbatimin e marrëveshjes për energji të vitit 2013-të dhe 2015-të si dhe në çështjet e tjera, përfshi edhe përgatitjet për takimin e ardhshëm të nivelit të lartë”, tha Peter Stano, zëdhënësi i BE-së për politikë të jashtme dhe siguri.
Discussion about this post