Anëtari i Partisë Demokratike në Grupin e Dialogut, Oerd Bylykbashi ka folur për mediat ndër të tjera edhe për propozimin e PS-së për votën e Diasporës.
Bylykbashi tha se çështja kryesore nuk është heqja e ministrisë së Brendshme, por fakti që me propozimin e PS-së sërish do të votojnë vetëm ata emigrantë që kanë një adresë të rregullt dhe jo qindra mijëra emigrantë të tjerë që kanë ikur në vitet e fundit.
Ai po ashtu se edhe KQZ është e pabalancuar në garancitë që jep që ligji të zbatohet të drejtë, duke përmendur rastin me mandatin e Fredi Belerit.
“Propozimi që ka bërë PS, dështon elementin kryesor, nuk është çështja kryesore që të hiqet Ministria e Brendshme. Kemi një KQZ që është i pabalancuar në garancitë që jep që ligji të zbatohet drejtë.
Aktet dhe ndërhyrja e përdorimit në kundërshtim me Kushtetutën i Ligjit për Dekriminalizimin për çështjen mandatit të Belerit, tregon se si KQZ ende nuk ka garanci që ai e zbaton ligji si duhet.
Por nuk është kjo çështja kryesore. Vota e emigrantëve vritet në parim duke kërkuar njësoj si më përpara që emigrantët të votojnë vetëm nëse kanë një adresë të ligjshme. Ata qindra mijëra emigrantë që kanë ikur vitet e fundit, që e vërteton edhe censusi i manipuluar, nuk do të kenë të drejtën e votës.
Ajo që ne kemi deklaruar është që të garantohet një sistem zgjedhor, nëpërmjet 5 qershor, i cili jo vetëm hap listat e zgjedhësve ku garantohet dhe barazoi e votës, por të bëhet në mënyrë që te ketë një proporcion të drejtë me vendimet e Kushtetueses.
Nëse do të kishim bërë një Reformë Zgjedhore konsensuale, do të kishim gjetur një formulë shumë më të mirë për të trajtuar edhe votën e emigrantëve.
Ajo që ka bërë PS është një truk i mëtejshëm për të mbajtur statuskuon siç deklaroi Rama në dhjetor të 2023”, u shpreh Bylykbashi.
Discussion about this post