Afati zyrtar për pranimin e kandidaturave për Presidentin e ri të Republikës u përmbyll ditën e djeshme. Kuvendi i Shqipërisë ka njoftuar se nuk ka asnjë kandidaturë të regjistruar, duke u djegur kështu raundi i parë i zgjedhjes së Presidentit.
Sot në 09.00 mblidhet komisioni i ligjeve për shqyrtimin e kandidaturave për zgjedhjen e presidentit të ri të vendit. Ndërsa pasdite në orën 17.00, Kuvendi i Shqipërisë zhvillon raundin e parë të votimit.
Asnjë prej palëve politike, maxhoranca apo opozita nuk kanë shfrytëzuar momentin që të përcjellin një kandidaturë. Të premten u zhvilluan negociatat e para mes negociatorëve të maxhorancës dhe dy grupeve parlamentare të opozitës, Aleancës për Ndryshim dhe Demokraci për Integrim, por pa prodhuar asgjë konkrete, përveç vullnetit për të vijuar negociatat. Ndërkohë të premten mungoi takimi mes shumicës dhe kreut të grupit kuvendor të PD-së Enkelejd Alibeaj.
Konferenca e Kryetarëve është e detyruar të mblidhet për të vendosur datën se kur do të zhvillohet raundi i dytë u votimit për zgjedhjen e Presidentit të Republikës.
Discussion about this post