Kryetari i Partisë Demokratike Sali Berisha ndodhej sot në një takim me qytetarë të Pukës.
Gjatë fjalës së tij, ai u ndal te financimi rus i forcës politike që pëfaqëson.
Sipas Berishës, Lulzim Basha u mor peng nga kreu i qeverisë Edi Rama.
Ndër të tjera, ish-kryeministri i bëri thirrje Bashës që të tregojë kush është e vërteta e financimit rus.
“Rama më 3 mars 2018 shkruan se ky i ka futur duart në xhepat rusë dhe kjo punë do hetohet deri në fund. Si e hetoi, e mori peng për zverku, në një akt të shëmtuar, anti demokratik dhe anti kombëtar.
Tani ne të gjithë demokratët duhet të bashkohemi, por ata që patën mashtrimin më të vogël e kanë të qartë se kush e kishte në dorë Bashës. Sot duhet të bashkohemi.
Ai e mohoi prapë, nëse e mohon trego një për një cila është e vërteta. Nga dolën 600 e ca mijë euro? Ato janë të përshkuara tani. Nuk është Edi Rama për ti mbyllur. Akti i tij ka qenë 100% personal, nuk i ka dhënë asnjeriu në PD”, tha Sali Berisha.
Berisha tha gjithashtu se Rama është armiku dhe për të ardhur në pushtet nuk do përdorin dhunën, por një revolucion paqësor.
“Ne kemi një armik para, dhe ky armik është Edi Rama. Ne nuk vijmë në pushtet me dhunë, por me kryengritje paqësore ne duhet ta heqim nga pushteti atë. Nëse ne e lejojmë këtë armik që dhunon votat dhe lirinë, interesin kombëtar Shqipëria do zhbëhet, por ne këtë nuk do ta pranojmë kurrë. Ndaj duhet të bashkohemi. Ky vend nuk është për tu braktisur, por ky vend është i bekuar”.
Discussion about this post