Pjesa e dytë mes Dinamos dhe Elbasanit po rezulton spektakolare teksa në harkun e pesë minutave janë shënuar plot 3 gola.
Fillimisht në minutën e 60-të Zabërgja tundi rrjetën duke dyfishuar rezultatin për skuadrën e Ilir Dajës. Vetëm 4 minuta më pas Tsague rikthen shpresat e Elbasanit.
Dinamovitët pësojnë direkt pasi kishin realizuar, duke sjellë momente tensioni në shkallët e stadiumit mes tifozëve.
Por spektakli nuk do të kishte të ndalur teksa vetëm disa sekonda më pas blutë do të trefishonin rezultatin. Itodo Mandela merr topin dhe marshon i vetëm drejt golit.
Discussion about this post