Kryetari i Aleancës për Ardhmërinë e Kosovës (AAK), Ramush Haradinaj , në Ditën Botërore të Refugjatëve ka thënë se shqiptarët e dinë më së miri ndjenjën e largimit me forcë nga atdheu.
Përmes një postimi në Facebook, ai ka shkruar se kjo ditë i rikujton përpjekjen e okupatorit serb për spastrimin etnik duke deportuar me forcë miliona shqiparë nga Kosova gjatë Luftës Çlirimtare 1998-1999.
“Dita Botërore e Refugjatëve na rikujton përpjekjen e okupatorit serb për spastrimin etnik duke deportuar me forcë miliona shqiptarë nga Kosova gjatë Luftës Çlirimtare 1998-1999, por edhe deportimin e qindra mijëra të tjerë anekënd botës nga zonat e luftës.
Shqiptarët më së miri e dinë ndjenjën e largimit me forcë nga atdheu”, ka shkruar Haradinaj.
Gjithashtu Haradinaj ka shprehur falenderime ndaj të gjithë miqve kudo nëpër botë, që strehuan familjet shqiptare në ditët më të vështira.
Discussion about this post