Gjykata e Posaçme ka caktuar orën dhe datën për masën e sigurisë të ish-deputetit socialist Alqi Bllako, i cili u vu në pranga në orët e para të mëngjesit të sotëm, dhe po mbahet në Drejtorinë e Policisë së Tiranës.
Gjykata vendosi që Bllakos do i komunikohet masa e sigurisë “arrest me burg” në orën 11:00 ditën e nesërme. Prokuroria e Posaçme kundër krimit të organizuar, SPAK, dha më herët njoftimin zyrtar në lidhje me arrestimin e ish-deputetit socialist Alqi Bllako.
Sipas njoftimit të SPAK, thuhet se vendimi i GJKKO për masën e arrestit ndaj Bllakos është ekzekutuar në orën 03:30 të mëngjesit të sotëm, duke nxjerrë blof Policinë e Shtetit që deklaronte se ish deputeti ishte vetëdorëzuar që prej mbrëmjes së djeshme.
Discussion about this post