Një nga divorcet më të bujshme po ndodh në showbiz. Kevin Costner po ndahet nga Christine Baumgartner. Kjo e fundit sqaron audiencën se shkaku i divorcit nuk lidhet me Yellowstone. Ajo nuk i ka kërkuar Kevin-it të heqë dorë nga seriali.
“E kam shmangur publikun kohët e fundit për shkak të divorcit tonë”, thotë Christine në dokumentet e gjykatës.
“Unë e kam bërë këtë për të mbrojtur privatësinë e familjes sonë. Nuk i kam bërë presion Kevinit të largohet nga Yellowstone. Sulmet publike të Kevin ndaj meje janë të dëmshme për familjen tonë. Besoj se ato kanë për qëllim të më bëjnë presion që të largohem pa një marrëveshje të përkohshme për mbështetjen e fëmijëve”, ka thënë ajo.
Në dosjen e saj të fundit në gjykatë, Christine pohon gjithashtu se donte t’u tregonte tre fëmijëve të tyre – djalit Cayden, 13 vjeç, djali Hayes, 14 vjeç dhe vajzës Grace, 13 vjeçe, për divorcin së bashku, por sipas saj Kevin nisi të tallej me sugjerimin dhe e bëri atë në mënyrën e tij.
“Mirëqenia e fëmijëve ka qenë gjithmonë prioriteti im më i lartë dhe isha e shqetësuar se ata do ta merrnin vesh për divorcin përpara se Kevin dhe unë t’ua thoshim atyre. Ishte e rëndësishme për mua që t’ua tregonim fëmijëve ballë për ballë dhe së bashku. Këtë ia shpjegova Kevinit”, thotë Christine në dokumentet e gjykatës. “Kam kërkuar që ta bëjmë këtë sa më shpejt që të jetë e mundur, në mënyrë që ata të mos dëgjojnë nga një burim i jashtëm. Ai e shpërfilli propozimin tim. Në vend të kësaj, ai këmbënguli se ishte e drejta e tij për t’u thënë që po divorcoheshim, privatisht dhe pa mua pranë.
Pas një lidhjeje 24-vjeçare, nga dhoma e tij e hotelit në Las Vegas, Kevin u tha tre fëmijëve tanë se ne po divorcoheshim në një telefonatë 10-minutëshe në Zoom pa mua të pranishme”, pohon Christine.
“Unë jam ende e hutuar nga motivimi i tij për ta bërë këtë nëpërmjet një telefonate shumë të shkurtër në Zoom, veçanërisht pasi ai po planifikonte të kthehej në shtëpi pesë ditë më vonë. Ai gjithashtu mund të kishte ardhur lehtësisht në shtëpi nga Las Vegas për të biseduar personalisht”, ka thënë ajo.
Christine dëshmon në dokumentet e Gjykatës se si u njoh që 18 vjeç me Kevin dhe iu përkushtua familjes, duke e lejuar atë të ndjekë karrierën edhe pse kjo do të thoshte të kalonte shumë kohë jashtë shtëpisë.
“Ai u bë këngëtar/kantautor dhe bëri turne për javë të tëra në shumë vende. Ai u bë investitor në disa kompani, disa prej të cilave ishin nëpërmjet lidhjeve të mia. Pavarësisht nga të gjitha angazhimet e Kevinit, u kujdesa që ta mbaja gjithmonë atë dhe fëmijët të lidhur sa më shumë. Unë kurrë nuk e vura në dyshim kohën apo angazhimin që i duhej për të bërë atë që donte”.
Christine vazhdoi të pretendonte se të ardhurat e Kevin nga të gjitha burimet në vitin kalendarik 2022 ishin 19,517,064.32 dollarë. Christine, e cila paraqiti kërkesën për divorc në maj pas gati dy dekadash martesë dhe kërkon që Kevin të paguajë 248 000 dollarë në muaj si mbështetje për fëmijët, që do të hyjë në fuqi më 1 korrik.
Christine thotë se nuk ka të ardhura, përveç një llogarie bankare me 50 000 dollarë para se të martohej. Ajo përmend edhe një llogari bankare nën emrin e saj me 1,400,000 dollarë. Ajo pretendon se Kevin e krijoi atë llogari në maj të vitit 2017 pa dijeninë ose pëlqimin e saj dhe se po përpiqet të ulë masën e pensionit për fëmijët.
Një problem tjetër është shtëpia. Sipas një kontrate paramartesore, është Christine ajo që duhet të largohet nga shtëpia. Avokati i saj e konsideron pa bazë ligjore kërkesën.
Sipas dosjes së Kevinit, në paramartesën, e cila u nënshkrua kur ata u martuan në vitin 2004, Christine ra dakord që, në rast divorci, Kevin do të kishte posedim dhe përdorim ekskluziv të banesave të tij dhe se ajo do të lironte çdo vend brenda 30 ditëve nga paraqitja e kërkesës për divorc.
Muajin që vjen Gjykata do të dëgjojë Christinen dhe fëmijët.
Discussion about this post