Bëri goxha bujë deklarata e Arjolës kur nuk hapi kutinë e Pandorës duke u shprehur se ëndrra e saj është të jetë prezantuese e “Portokallisë” dhe jo udhëtimi në Disneyland. Kësaj teme ajo iu rikthye edhe në “Fan Club” ditën e djeshme, ku tha se roli në fjalë do ta rriste profesionalisht dhe nuk do ishte “thjesht aktore”.
Pas kësaj deklarate aktorja Lisa Kujovska e ka thumbuar ish-banoren e “Big Brother VIP” në Instagram. Ajo ka bërë një paralelizëm me aktoren e famshme Sofia Loren, e cila thotë se në të vërtetë aktrimi është shumë më lart sesa prezantimi. Në postimin e bërë, Kujovska ka publikuar thënien duke e modifikuar për të thumbuar kolegen e saj.
Discussion about this post