Vijojnë përplasjet në Kuvend mes kryeministrit Edi Rama dhe lideri të opozitës Lulzim Basha, këtë herë për retorikën e përdorur nga ky i fundit gjatë fjalës së tij. I revoltuar nga reagimet ironike të kryeministrit, Basha ka kërcënuar duke i thënë të mos merret me PD dhe as të mos e çojë më ndërmend të matet me ta.
Sakaq, ai i ka tërhequr vëmendje kryeministrit për fjalorin e tij , duke i thënë se atë lloj komunikimi mund ta përdor vetëm në shtëpinë e tij, por jo në Kuvend. Vetë Rama iu kundërpërgjigj duke thënë se atij duhet t’i vijë turp që ngrenë zërin dhe e akuzon pa të drejtë.
“Zonjë e para e punës, unë nuk iu përmenda emrin juve, ju bëni mirë që ta kërkoni replikën, kur del ai zotëria dhe iu drejton gishtin, ulu dhe përballo retorikën, se tjetër është retorika dhe tjetër është llumi. Ngrijeni nivelin, se ka rënë niveli fare fare. Një kryetar opozite që çohet këtu dhe flet sikur sapo ka dalë nga klubi, ku është dehur dhe e kanë rrahur është inat i madh. Unë nuk do të hyj në ato muhabete se është nivel shumë i ulët. Kërkon replikë për çfarë, për kë, përse, ajo që dëshmoi këtu Lulëzimi është se ka balona dhe pa bisht fare, erdhi këtu si balonë pa bisht, erdhe këtu dhe nxore nga goja pisllëk të madh, duke më akuzuar se unë gënjej”, tha Rama.
Discussion about this post