Doli nga shtëpia, arrestohet “dy herë” 28-vjeçari nga Shkodra

Një 28 vjeçar nga Shkodra është arrestuar pasi theu masën e sigurisë ‘arrest me burg’.

I riu u arrestua pasi u kap në flagrancë jashtë banesës së tij ndërkohë që Gjykata e Shkallës së Parë Shkodër, e kishte lënë në arrest shtëpiak për veprën penale “Dhuna në familje” për dhunë ndaj babait të tij.

Njoftimi i policisë:

Specialistët e Seksionit për Hetimin e Krimeve të Komisariatit të Policisë Shkodër kanë arrestuar në flagrancë shtetasin G. U., 28 vjeç, banues në Shkodër.

Ky shtetas u arrestua pasi është kapur në flagrancë jashtë banesës së tij, ndërkohë që ishte me masë sigurie “Arrest në shtëpi”, të caktuar nga Gjykata e Shkallës së Parë e Juridiksionit të Përgjithshëm Shkodër, me vendimin e datës 07.07.2023, për veprën penale “Dhuna në familje”, sepse ka ushtruar dhunë ndaj babait të tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.