Me tenderët e fundit, kryebashkiaku i Tiranës, Erion Veliaj po tregon se deri më sot ka mashtruar për “ujin e pijshëm”. Pak ditë më parë Gijotina.com tregoi se si Veliaj shpenzoi 166 milionë lekë për të vendosur impiant për pastrimin e ujit. Këtë projekt po e zbaton Eco Tirana, kompania ku Lali Eri ndan paratë me miqtë italian, që kanë 49% të aksioneve. Sigurisht ky tender është hapur me qëllim pastrimin dhe filtrimin e ujit për bashkinë, sidomos për zyrat e Lali Erit.
Ndërsa tani është hapur prokurimi me objekt ‘Shërbime, analiza për cilësinë e ujit’, për të cilin është vënë në dispozicion fondi me vlerë 30 milionë lekë. Kaq shumë do të paguhet kompania fituese për dy herë analiza që do t’i bëjë ujin në gjashtë muajt e ardhshëm.
Të paktën kështu specifikohet në dokumente, ku theksohet se nuk do të mund të bëhen analiza për të gjithë rrjetet e ujësjellësit në Tiranë. Këto para do t’i përfitojë firma “ECCAT Enviromental Colsulting, Chemical Analysis & Testing sh.p.k”, në pronësi të biznesmenëve Indrit Daja dhe Luan Ballabani . Kompania e tyre u shpall fituese, pasi Lali Eri skualfikoi menjëherë tre firmat e tjerë në garë.
Sikur e theksuam më lartë, së pari fokusi për analizat dhe pastrimin e ujit është për depon ku furnizohet Veliaj.
Ndërsa më poshtë renditen edhe disa zona të tjera ku planifikohet të bëhen analiza. Duke përmendur, Kombinatin, Bërxullën dhe Laknasin, zona periferikë, ndërsa për zonat më pranë qendrës nuk ka ende asnjë plan.
Gjithsesi ajo që vlen të theksohet është se me tenderin e analizave dhe atë të pastrimit të njëpasnjëshëm, Veliaj tregon se deri më sot ka mashtruar me propagandën se ‘qytetarët në Tiranë kanë 17 orë në ditë ujë të pijshëm në shtëpitë e tyre’. Edhe vetë Lali e di që uji që furnizon ujësjellësi nuk është mirë as për dush e jo më për t’u pirë apo për të gatuar. Çdo familje në kryeqytet blen ujë të pijshëm në markete, megjithëse paguan tarifat e Ujësjellësit.
Theksojmë se në 1 janari 2018, kryebashkiaku Veliaj rriti çmimin e ujit nga 45 lek/ m3 në 65 lekë/m3 për familjarët dhe nga 135 lekë/m3 në 190 lekë/m3 për bizneset. Rritja u argumentua si nevojë për investime që të garantohej ujë i pijshëm 24 orë. Po kalojnë 6 vjet dhe premtimi i pambajtur i Veliajt na gërvisht kujtesën sa herë që shohim shpenzime me etiketën “ujë i pijshëm”.
Lexo edhe; Veliaj i fal shefit të “Marina Bay” 324 milionë lekë për një çati konvikti
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post