Ministria e Jashtme, nisur nga situata e krijuar prej kufizimeve të lëvizjes të udhëtarëve jashtë vendit për shkak të Covid-19 dhe me qëllim parandalimin e situatave problematike, informon ndryshimet e reja të këtij regjimi që lidhet me lëvizjen e qytetarëve shqiptarë.
Në faqen e Ministrisë për Evropën dhe Punët e Jashtme është vendosur një hartë në të cilën mund të zgjidhet shteti përkatës që një qytetar po kërkon informacione dhe mund të njihet me masat në fuqi, në rast se dëshiron të udhëtojë jashtë Shqipërisë në këtë fundvit.
Në një postim në uebsajtin zyrtar, Ministria ka publikuar edhe një listë të dhënash për kriteret e lëvizjes së shqiptarëve jashtë vendit. Komisioni Evropian ka aprovuar certifikatën digjitale të vaksinimit të Covid-19 për Shqipërinë.
Disa prej vendeve të BE mund të aplikojnë protokolle më specifike, ndaj Ministra ju fton të lexoni informacionet e përditësuara sipas çdo shteti.
Discussion about this post