Duket se qëndrimi i Gianluigi Donnarummas te klubi i Paris Saint-Germain do të vazhdojë vetëm në rast se ai do të jetë në rolin e titullarit.
Ishte agjenti i lojtarit, Mino Raiola, ai i cili pak kohë më parë tha se nëse ai nuk do të luajë atëherë shumë shpejt nuk do të më pjesë e parisienëve.
Situata për trajnerin Mauricio Pochettino është shumë e komplikuar, pasi i preferuari i tij për portën është Keylor Navas dhe ai e aktivizon kampionin e ‘Euro 2020’ me Italinë vetëm në raste kur lojtari nga Kosta Rika nuk është në gjendje që të luajë.
Deri më tani raportet e tyre janë Navas gjashtë ndeshje të Ligue 1 dhe në to ka dy porta të pa prekura, ndërsa Donnarumma ka luajtur në katër ndeshje të Ligue 1 dhe një të Champions League.
Për këtë arsye sipas ‘Calciomercato.com’ shumë shpejt agjenti i tij do të kërkojë për një tjetër ‘shtëpi’ për gardianin, ku ai të jetë numri 1 i portës./K.T/Gijotina.com
