Kreu i grupit parlamentar të Partisë Socialiste, Taulant Balla ka reaguar ditën e sotme pas depozitimit të projektligjit për zgjatjen e mandatit të vetingut me dy vite.
Nga qyteti i Fierit, qark ky që tashmë drejtohet nga Taulant Balla, ky i fundit deklaroi se zgjatja e mandatit të vetingut është një domosdoshmëri për të ccuar në fund pastrimin e sistemit të drejtësisë nga gjykatësit dhe prokurorët e korruptuar.
“Dje grupi parlamentar i Ps ka marre vendimin per te depozituar ne kuvendin e shqiperise nismen e nje grupi prej me shume se 1/5 e antarve te kuvendit te shqiperise per te filluar nje procedure te ndryshimit te kushtetutes me qellim qe ti hapim rruge zgjatjes se mandatit te komisionit te pavarur te kualifikimit dhe te komisionereve publik si niveli i pare i procesit te vetingut duke e shtyre procesin e vetingut pra nga komisioni i pavarur i kualifikimit deri me 31.12.2024, duke shtuar edhe 30 muaj te tjere te cilet besoj se jane te mjaftueshme per ta permbyllur procesin e vetingut.
Ashtu sikurse tha edhe Kreu i Ps sot pas mbledhjes se kryesis se ps, kjo eshte nje vijueshmeri e reformes ne drejtesi, nje ceshjte sa teknike aq edhe shume e rendesishme sepse ruajtje e te njejtit standard ne procesin e vetingut per te vazhduar pastrimin e sistemit te drejtesise nga ata gjyqtar apo prokurore te cilet nuk justifikojne dot pasurine e tyre dhe nuk kane pergatitjen e duhur profesionale ose per pastertine e figures se tyre, dhe zbulimi i cdo lloj lidhje kriminale. Vijimi i procesit te vetingut me te njejtin standard qe eshte vijuar deri me tani eshte domosdoshmeri tek e cila ne partite politike duhet te qendrojne larg sepse themeli i reformes ne drejtesi ka qene pikerisht heqja e cdo lloj ndikimi qe vinte nga partite politik”, tha Balla.
Sipas socialistëve, zgjatja e afateve të komisioneve të vetingut është diskutuar dhe me partnerët e Shqipërisë si SHBA-të dhe BE, ndërkohë që për të bërë të mundur votimin e tyre në Kuvend, do të duhet dhe dakordësia e opozitës, pasi kërkohet të ndërhyhet në Kushtetutë.
