Vrasja e 23-vjeçares Sabrina Bengaj, ka zgjuar sërish qytetarët e Shqipëris dhe tani më të irrituar se kurrë, jo vetëm me ngjarjet e ngjashme që kanë gllabëruar vendin tonë, por edhe me ligjin, i cili nuk bënë asgjë për të mbrojtur njerëzit e tij/saj.
Nëse ende nuk i keni dëgjuar lajmet e fundit, me datë 10 shtator, në Zhupa të Fierit, Elton Metaj është arrestuar pasi ka qëlluar për vdekje ish-bashkëshorten, Sabrina Bengaj në banesën e prindërve të saj. Sabrina ka qenë në urdhër mbrojtje deri në muajin tetor, por kjo nuk e ka ndaluar ish-bashkëshortin e saj të shkojë tek dera e shtëpisë e ta qëllojë me armë zjarri gjakftohtësish në momentin që ishte duke ngrënë bukë.
Çifti ishte divorcuar prej pak muajsh, teksa kjo gjë nuk është pranuar nga i dyshuari, i cili në korrik ishte liruar nga burgu pasi ishte arrestuar për problemet me Sabrinën
Në fotot e publikuara, shihen dhjetëra qytetarë me pankarta të ndryshme në duar, ku shkruhet: “Përgjegjësi për vrasjen e Sabrinës”, “Vrasja e grave dhe vajzave është pandemi. Ku është vaksina”, “Ngrejmë zërin dhe kërkojmë përgjegjësi për çdo viktimë”.
Kjo gjë nuk ka mërzitur vetëm qytetarët, por edhe njerëzit me emër në fushën e politikës ose të mediave, të cilët (edhe ata gjithashtu) kanë reaguar ndaj shtetit dhe neglizhencën që ju bëhet vajzave dhe grave.
Vrasjet në Shqipëri ndaj grave janë bërë aq të shpeshta, saqë në nëntë muajt e fundit të këtij viti mund të përmendim edhe rastet e Zhaneta Metanin, Kristina Bardhin, Liljana Buzon, Dorina Allën, Fëllënza Shirjen, Irvana Hykën, të cilat kanë pasur një fund po aq tragjik sa i Sabrinës.
Protestat në Tiranë po zhvendosen drejt Ministrisë së Drejtësisë duke thirrur njëzëri “Drejtësi për Sabrinën”.
Ata kanë lënë pankartat në tokë dhe kanë ndëzur qirinj në shkallët e ministrisë.
