Muhamed Salah mund të konsiderohet pa mëdyshje si lojtari më i mirë në kampionatin anglez. Rendimenti i egjiptianit është i jashtëzakonshëm teksa ka shënuar dhe dhuruar asiste në vazhdimësi me skuadrën e Liverpoolit gjatë sezoneve duke vendosur edhe rekorde. Pikërisht për këtë është prononcuar edhe ish-sulmuesi legjendar i Chelseat, Didier Drogba.
“Nëse vazhdon kështu, do të thyejë të gjitha rekordet mia! Më vjen të qaj.
Ajo që pashë gjatë stërvitjes dhe e thonë të gjithë shokët e tij, është cilësia që ai kishte. Atij i duhej thjesht më shumë kohë për të treguar talentin dhe cilësinë e tij.
Isha i trishtuar që nuk kontribuova, ai ishte i mirë edhe atëherë. Kur ke këtë lloj inteligjence, është vetëm çështje kohe që të shpërthesh.
Kur shikon skuadrën që kishim, nuk ishte e lehtë të luanim, por ajo që më tërhoqi më shumë vëmendjen tek Mo është se ai ishte shumë i sjellshëm edhe kur nuk luante.
Më kujtohet që kemi biseduar disa herë kur ai ishte te Roma dhe shënonte gola. Pati një moment kur nuk shënonte dhe më pyeti se si mund t’i përballonte këto lloj situatash. Kam ndarë me të shumë shembuj dhe përvoja”, tha Drogba.
Discussion about this post