Presidenti i Serbisë Aleksandër Vuçiç gjatë takimit me qytetarët në kuadër të fushatës elektorale për vitin e ardhshëm zgjedhor, ka komentuar deklaratat e liderëve të Kosovës. Lidhur me pretendimin e Prishtinës se Serbia është fajtore për ndërprerjen e energjisë elektrike në Kosovë, Vuçiç ka theksuar se nuk ka problem ta kritikojë atë çfarë dhe kushdo që të ndodhë.
“Dua vetëm të më sulmojnë dhe kritikojnë. Ky është plani kryesor edhe për Kosovën. E pashë se unë kisha faj edhe për mungesën e energjisë, se e gjetën lehtë fajtorin në Prishtinë dhe u mësova”, tha ai.
Vuçiç u shpreh se komunitetet serbe në Kosovë kanë investuar si kurrë më parë. Ai zgjodhi postimin e kryeministrit pakistanez për të komentuar kritikat në drejtimin e tij.
“Kryeministri i Pakistanit, Imran Khan, ka bërë një postim të bukur në rrjetet sociale, ku thoshte se nëse dëshiron të shmangësh kritikat, duhet të mos thuash asgjë, të mos bësh asgjë ose të jesh asgjë. Nuk e kam problem të kritikohem për çfarë dhe kush vjen, sepse besoj se rezultatet dhe puna fitojnë gjithmonë”, përfundoi ai.
Discussion about this post