Romelu Lukaku nuk ndodhet në momentin më të mirë të karrierës së tij pas kalimit te Chelsea. Ndërsa ka dhënë së fundmi një intervistë për ‘ESPN’, ish-sulmuesi i Interit theksoi nevojën për më shumë qartësi në përdorimin e tij dhe për faktin se këtë temë e kishte folur herë me trajnerin e ‘Bluve’ të Londrës Tuchel.
“Unë dhe Tuchel kemi biseduar disa herë për të kuptuar se çfarë kërkon nga unë në fushë. Është vetëm çështje e qartësisë se si ai dëshiron të më përdorë mua. Unë jam shumëdimensional. Mund të bëj gjithçka që ai më kërkon. Mund të vrapoj, mund të bëj presing, mund ta mbaj topin lart. Kështu që mendoj se me kalimin e viteve këto janë cilësitë që kam shtuar në lojën time. Doja vetëm një mundësi që pata me këtë rast dhe jam i lumtur që kam ndihmuar ekipin”,-deklaroi belgu.
Deklaratat e sulmuesit vijnë edhe në një moment kur agjenti i tij, deklaroi se Lukaku mund të rikthehet një ditë në Serinë A dhe me një trajner si Tuchel, surprizat nuk mungojnë./K.T/Gijotina.com
Discussion about this post