Dy aksidente janë shënuar ditën e sotme në Fier, ku janë përplasur dy të moshuar. Në fshatin Suk 1, në Roskovec një automjet tip “Benz” ka aksidentuar këmbësorin. Ky i fundit raportohet se është një 79-vjeçar me iniciale R.K, ndërsa mësohet se është dërguar në spital, ku po merr ndihmë mjekësore. Ndërkohë në vendin e quajtur “Kthesa e Patosit” një 22-vjeçar, drejtues i mjetit tip “Volkswagen”, ka aksidentuar këmbësorin shtetasin F. B., 78 vjeç, i cili ndodhet në spital nën kujdesin e mjekëve. Dy drejtuesit e mjeteve janë vënë në pranga.
Krahas aksidenteve, në Lushnjë është regjistruar një vjedhje në fshatin Jeta e Re. Persona ende të paidentifikuar janë futur në banesën e shtetasit M. H., 37 vjeç, ku kanë vjedhur një armë gjahu dhe disa bizhuteri. Policia po punon për identifikimin dhe kapjen e autorit. Materialet i kaluan Prokurorisë për veprime të mëtejshme procedurale.
Discussion about this post