Dy viktima njëri prej tyre shqiptar/ Si ndodhi shpërthimi në fermën e peshkut në Greqi?

Në një njësi për mbarështimin e troftës në Prevezë, rreth orës 15:30 të pasdites.

Sipas njoftimit, pak më parë janë arrestuar drejtuesit e biznesit në Kanalaki të Prevezës, si dhe ekuipazhi i jashtëm që ka kryer punimet e saldimit me oksigjen me rezultat tragjik .

Dy grekë dhe një i huaj po kryenin punime saldimi, kur një 41-vjeçar grek nga zona e Prevezës dhe një 49-vjeçar shqiptar humbën jetën menjëherë nga shpërthimi i një bombole propani. Punëtori 49-vjeçar i plagosur është dërguar fillimisht në Qendrën Shëndetësore Kanalaki dhe pritet të dërgohet në spitalin e Janinës.

Sipas vlerësimeve të para, aksidenti në punë dyshohet se është shkaktuar nga disa tuba oksigjeni që kalonin në vendin ku po punohej dhe nuk ishin të izoluara. Gjithsesi hetimet vijojnë me dëshmitarët okularë të tronditur.

Shpërthimi ka qenë aq i fuqishëm sa ka nxjerrë nga banesat banorët e zonave përreth. Menjëherë në vendngjarje kanë mbërritur autoambulancat e EKAV-it, zjarrfikëse dhe patrulluese ku kanë mbyllur operacionin. Forcat zjarrfikëse dhe policia janë ende në vendngjarje.