Dyshime për atentat, 27- vjeçarit në Cërrik mund t’i jetë vënë tritoli nga një mjet në lëvizje

Zbardhen detaje të reja nga shpërthimi i tritolit në Cërrik ku humbi jetën 27- vjeçari Erjon Rexhepi.

Pavarësisht komunikatës zyrtare të policisë ku thuhet se lënda ka plasur aksidentalisht në dorën e 27-vjeçarit, në vendin e ngjarjes konstatohet edhe një pistë tjetër e mundshme.

Lënda plasëse mund të jetë vendosur nga dikush tjetër, një mjet në lëvizje dhe 27-vjeçari ka qenë pre e një atentati. Kjo mbetet për tu verifikuar nga grupi hetimor dhe grupi i kriminalistikës që po bëjnë mbledhjen e provave. Trupi i 27-vjeçarit vazhdon të jetë ende në vendngjarje.

Ndërsa nga dëshmitë e fqinjëve, 27-vjeçari ka qenë duke ecur dhe jo pranë banesës së tij dhe kjo ngjall dyshimet e një atentati të mundshëm.