Detaje të reja rrënqethëse po zbulohen vazhdimisht lidhur me vrasjen e 10-vjeçarit shqiptar Matias, në Itali nga babi i tij.Mësohet se nëna e tij, shqiptarja Marjola Rapaj e gjeti të birin e saj Matias, në krevatin i mbuluar i gjithi me gjak, nga krimi monstruoz që i ati kishte kryer.
Mediat italiane kanë siguruar një inetervistë të Marjola Rapajt, e cila ndodhet në gjendje shoku nga vrasja e të birit dhe imazhet që ka parë ditën e ngjarjes, ku gjeti të birin e gjakosur mbi krevatin e saj.
“Nuk do të vë këmbë kurrë më në atë shtëpi, nuk dua të hyjë. Në këto momente dhimbjeje të madhe nuk jam në gjendje të shpjegoj atë që përjetoj. Dhimbja është shkatërruese’, thotë. ‘Nuk do të vë këmbë kurrë më në atë shtëpi, nuk dua të hyj atje. Nuk arrij ta imagjinoj se çfarë mund të ketë ndodhur atje brenda atë ditë të tmerrshme”,- ka thënë e ëma e Matiasit të vogël.
Mësohet se ajo ndodhet nën kujdes intensiv nga psikologët për shkak të gjendjes së rënduar psikologjike në të cilën ndodhet. Mirko Tomkoë e ka paramenduar veprimin, pasi mësohet se pas lidhjes me Mariola Rapaj ai e ka keqtrajtuar. Për shkak të dhunës, ajo ishte pajisur nga gjykata me urdhër-mbrojtje në shtator të këtij viti. Situata agravoi në mes të tetorit polaku tentoi të vrasë veten, por karabinierët mbërritën në kohë dhe e ndaluan. Pas ndalimit ai rezultoi pozitiv me Covid dhe kaloi 21 ditë në karantinë në një hotel në Romë. Besohet se gjatë kësaj faze ai ka planifikuar edhe krimin e rëndë që do të kryente. Synimi i tij ishte të vriste gruan dhe djalin e tij dhe më pas të bënte vetëvrasje pasi t’i vinte zjarrin shtëpisë.
Discussion about this post