Prokuroria e Posaçme Kundër Korrupsionit dhe Krimit të Organizuar (SPAK) me firmën e Dritan Prençit ka lëshuar 20 urdhër arreste që po ekzekutohen nga polica lidhur me aferën e inceneratorëve.
Deri më tani mësohet se janë vënë në pranga shtatë persona, mes tyre dhe Florian Muça, drejtori i AlbPetrol, dikur anëtar i Komisionit të Prokurimit për inceneratorin e Fierit dhe administratori aktual për inceneratorin e Fierit, Loran Dusha që u mor në pyetje nga Komisioni.
Operacioni është ende në vijim dhe ende nuk janë zbardhur emra të tjerë. Të gjithë personat për të cilët është lëshuar urdhër arrest kanë lidhje me inceneratorët e Elbasanit dhe të Fierit.
Lidhur me këtë aferë janë marrë në pyetje nga SPAK për orë me radhë dhe kryetari i bashkisë së Fierit Armando Subashi si dhe deputeti socialist Alqi Bllako. I vetmi zyrtar i lartë i arrestuar për çështjen e inceneratorëve është ish-ministri i mjedisit Lefter Koka, i cili mbahet ende nën masën e arrestit me burg.
Discussion about this post