Një aksident i rëndë ka ndodhur në fshatin Pirg të Maliqit, ku dy persona janë plagosur.
Një automjet ka dalë nga rruga dhe është përplasur me bordurën anësore. Është dashur ndërhyrja e zjarrfikësve për të nxjerrë drejtuesin e mjetit nga makina dhe pasagjerin.
Raportohet se gjendja e tyre paraqitet e rëndë dhe po dërgohen drejt spitalit të Korçës për mjekim.
Mësohet se makina vinte nga Pogradeci drejt Korçës.
Policia ka shkuar në vendngjarje dhe një hetim ka nisur për zbardhjen e rrethanave të aksidentit.
Discussion about this post