Këtë mëngjes Partia Demokratike dega Shkodër ka hapur procesin zgjedhor për kryesinë e degës. Sipas statutit të ri të PD-së, të drejtë vote për kryesinë e degës kanë kryetarët e grupseksioneve, kryetarët dhe sekretarët e seksioneve në territorin e Bashkisë Shkodër. Sakaq, behet me dije se nga 52 kandidatë për anëtarë të kryesisë së PD Shkodër do të përzgjidhen 25, ku 30% e tyre do të jenë femra.
Në lidhje me ecurinë e procesit foli për mediat edhe kreu i PD Shkodër, Gjenarin Kapcari, i cili tha se pjesëmarrja në votim është e kënaqshme. Ndërsa vlen të theksojmë se edhe ky proces, ashtu si edhe votimet e fundit, nuk është zhvilluar në selinë kryesore të PD. I pyetur për këtë, Kapcari tha se Partia Demokratike është çështje anëtarësie, jo çështje muresh. Votimi ka nisur që prej orës 08:00 të mëngjesit dhe do të zgjasë deri rreth orës 18:00 të pasdites. Ndërsa është parashikuar që dhe numërimi i votave të përfundojë brenda ditës së sotme.
Discussion about this post