Tre nga makinat që u shkrumbuan në zjarrin që dyshohet se u vu në garazhin në Astir një ditë më parë, janë në pronësi të pronarit të pallatit Dritan Llanaj.
Zjarri shkrumboi 4 makina, ndërsa si pasojë e flakëve që dolën jashtë kontrollit, apartamentet e pallatit u mbushen më tym, duke rrezikuar jetën e banorëve, 8 prej tre mbetët të lënduar, pa probleme serioze për jetën.
Si pasojë e zjarrit, janë dëmtuar lehtë dhe kanë shkuar për mjekim në spital personat e identifikuar me iniciale A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar.
Grupi hetimor po punon për sqarimin e rrethanave të ngjarjes.
Ndërkohë, që pasojat e zjarrit janë të dukshme në apartamentet e banorëve, të cilët thonë se i kanë banesat e dëmtuara.
“Kam qenë zgjuar, kur ka ndodhur shpërthimi. Banesën e kemi të dëmtuar, aty edhe perimet dhe zarzavatet janë dëmtuar. Ne kemi respekt për pronarin”, tha një banor.
Discussion about this post