Është zbardhur dëshmia e plotë e monstrës Klodian Çalamani që vrau vogëlushin 8-vjeçar Mateo Vasiu. Monstra ka treguar me gjakftohtësi para uniformave blu detajet e krimit makabër.
Sipas tij ka qenë Mateo që i ka shkuar në shtëpi, ndërsa autori po punonte në kopshtin e banesës së tij, ku fëmija e ka ofenduar duke e akuzuar se i ngacmonte të ëmën.
“…banoj në fshatin Greçalli të Fierit, në lagjen “Trifon Tanka”. Kam një shtëpi private, një katëshe me llamarina, me oborr rreth shtëpisë dhe në pjesën e përparme, e kam të thurur me gardh me kallama. Nga ana e gardhit me kallama kam edhe portën kryesore që futem në oborrin e shtëpisë. Në oborr, unë kam të mbjella disa qepe të njoma dhe kam edhe një rrënjë hardhie. Sot më datë 16 nëntor 2021, rreth orëve të mëngjesit ora 8 apo 9, nuk e di unë ndodhesha në shtëpinë time dhe më vjen djali i vogël i Florës, të cilit nuk ja di emrin, por e njoh që është djali i Florës, i cili filloi të më shante. Unë në këtë kohë isha duke punuar me kazmë tek oborri i shtëpisë time dhe ai erdhi afër te porta, në një distancë një metër larg nga unë dhe me thoshte: ”…pse ma ngacmon mamin dhe vazhdonte të shante…”. Ndërsa unë i them:“…ik se e di unë çfarë bëj… dhe djali vijonte të më shante”, ka deklaruar ai.
Ky ka qenë momenti fatal kur sipas tij, e ka goditur vogëlushin e ndjerë dy herë me kazmë pas kokës. Më pas ka treguar se e ka lidhur dhe e ka varrosur në oborrin e banesës. Ndër të tjera, monstra Çalamani ka rrëfyer se për krimin e rëndë nuk i ka treguar askujt, dhe as nuk e ka parë njeri.
“Në këtë kohë, unë e kam qëlluar me kazmë qylyke, me pjesën e prapme të kazmës e cila është me kunj hekuri në kokë, i cili menjëherë u rrëzua dhe mbasi u rrëzua në tokë unë e qëllova përsëri me kazmë në kokë, dhe fëmija nuk u ngrit më. Më pas i kam lidhur duart nga mbrapa, me një lidhëse këpucësh. Mbasi e pash që fëmija kishte vdekur e kam kapur prej këmbë, e kam tërhequr zvarrë dhe e kam hedhur te një gropë, e cila ndodhet rreth 5-6 metra larg vendit ku e vrava. Brenda në oborrin e banesës time, pasi e afrova te gropa e cila mundet të ishte rreth 1 metër e thellë, e kam shtyrë fëmijën e vdekur me këmbë, duke e rrëzuar brenda saj. Më pas e kam mbuluar me dhe, duke gërmuar me lopatë afër gropës dhe dheun që nxirja prej saj, ja hidhja fëmijës që ta mbuloja, të cilin e mbulova plotësisht. Mbasi mbarova, duke e mbuluar fëmijën qëndrova në shtëpi, në oborrin e shtëpisë time dhe nuk kam lëvizur fare prej saj. Kur kam vrarë djalin e Florës dhe e kam groposur brenda në oborrin e shtëpisë time, nuk më ka parë asnjë person dhe nuk i kam treguar asnjë personi për fëmijën që vrava dhe groposa në oborrin e banesës time…”, thuhet ndër të tjera në dëshmi.
Krimi horror që tronditi Fierin dhe të gjithë Shqipërinë, ndodhi para të martën në fshatin Greçalli të Fierit. Me herët gjykata dha masën e sigurisë “arrest me burg” për Çalamanin, ndërsa familjarët bëjnë thirrje të varet në mes të qytetit.
Discussion about this post