Këngëtarja e njohur Arilena Ara gjithmonë e ka marr vëmendjen për zërin dhe muzikën e bukur që ajo realizon. Por jo pak herë është “tentuar” që të zbulohet akoma dhe më shumë për jetën e saj private.
Raporti që Arilena ka me menaxherin e saj, Popi Kola është diskutuar shumë në media, ku është përfolur se kishte diçka më shumë mes tyre dhe se e kishin zyrtarizuar lidhjen duke u prezantuar edhe te familjet si partnerë. Për këtë temë, Popi është pyetur nga Alban Musa në emisionin “Abc-ja e mëngjesit”.
Ai shpjegoi njëherë e mirë se mes tyre nuk ka asgjë më shumë. “Ka shumë gjë dhe aspak zë për sa i përket pjesës që po flasim. Është një marrëdhënie njerëzore por me mentalitetin që kemi këtu, të çon në një drejtim tjetër. E kam thënë dhe më para, Arilenën e kam si një fëmijë timin që tani u rrit.” tha ai.
Më tej Popi shtoi: “Kam pasur një ëndërr të adoptoja një fëmijë dhe më erdhi një fëmijë i rritur, e kam adoptuar. Kjo është marrëdhënia ime me Arilenën.” Ndërkohë, Suada Daci, e cila ishte gjithashtu e ftuar për të folur për sezonin e ri të Style Star, tha se Popi “e ka çuar Arilenën në rrugën që është sot”.
Discussion about this post