Erling Haaland po konsiderohet si futbollisti i momentit në botë, me norvegjezin që tashmë është shndërruar në një makineri golash.
Sulmuesi norvegjez shënon e asiston thuajse në çdo ndeshje, teksa Borussia Dortmund arriti t’i rezistojë ofertave në afatin kalimtar veror.
Por nga qershori i vitit 2022, do të aktivizohet një klauzolë që e lejon norvegjezin të largohet nga ky klub për 90 milionë euro.
Kjo ka bërë që shumë skuadra të mëdha si Bayern Munich, Real Madrid, Manchester City, Liverpool, Paris Saint Germain e Juventus të vihen pas tij.
Se do të jetë e vështirë ta mbajnë Haalandin në Signal Iduna Park e ka pranuar edhe shefi ekzekutiv i verdhezinjve, Hans Joachim Watzke.
“Sigurisht që do të jetë shumë e vështirë që Haaland të mbetet tek ne, por nuk po them që është e pamundur”.
“Ne si klub do të bëjmë gjithçka për t’i mbajtur lojtarët tanë kryesorë në radhët tona, por tek rasti i Haaland do të jetë e vështirë”, deklaroi Watzke.
21-vjeçari është duke kaluar nëpër një formë të jashtëzakonshme, ku në tetë ndeshjet e para ka shënuar 11 gola e ka bërë katër asistime.
