Xavi Hernandez është tashmë zyrtarisht trajneri i ri i Barcelonës, ose të paktën kështu bën me dije gazetari sportiv dhe njëkohësisht eksperti i transferimeve, Fabrizio Romano.
Në një postim në rrjetet sociale ai thekson se marrëveshja mes Barçës dhe klubit ku ishte nën kontratë tekniku, Al-Sadd është arritur dhe tashmë ‘Blaugrana’ do të ketë kreun e ri të stolit.
“Xavi te Barcelona, konfirmohet dhe ja ku po shkojmë! Deklaratë zyrtare nga Al-Sadd për marrëveshjen e përfunduar me Barçën. Xavi është kthyer dhe ai është trajneri i ri.”-shkruan Romano.
Kështu pas një sërë diskutimesh dhe lajmesh se klubi i Al-Sadd nuk do të lejonte largimin e ish-lojtarit të katalanasve, palët kanë arritur në akord.
Ndërsa nuk dihet nëse Xavi do jetë në krye të skuadrës në takimin e kësaj të shtune kundër Celta Vigos për takimin e vlefshëm të raundit të 13 të La Ligas./K.T/Gijotina.com
Discussion about this post