Presioni i madh i qytetarëve me komente pas “ngushëllimit” që na bëri nga Dubai, ka bërë që kryeministri Edi Rama të reagojë sërish në Facebook për rritjen e vazhdueshme të çmimeve.
Rama ironizon se e kupton stresin e kësaj kohë pas rritjes së naftës dhe çmimeve, por vijon të thotë se qeveria ka bërë të pamundurën që energjia të mos rritet, duke e përballuar pa i “rënë në qafë” qytetarëve.
“E mirëkuptoj tërësisht stresin e madh të kësaj kohe, prandaj u them të gjithë atyre që pa dëgjuar e as lexuar reagojnë mbrapsht: QEVERIA KE VENDOSUR MBUROJË FINANCIARE MBI FATURËN E ENERGJISË PËR FAMILjARËT DHE BIZNESIT E VOGËL dhe prej disa muajsh kostoja rritet si pasojë e krizës, çmimi në faturë jo! LUFTA PO i NGRE ZGUPTHI ÇMIMET! Sot energjia na kushton 61 lek për kilovat, FAMILJET VAZHDOJNË TË PAGUAJNË 9.5 Lek! Pyesni, shikoni çfarë bëhet në vendet fqinje dhe mos duartrokisni, po vetëm kuptoni se nuk jetojmë në një kohë normale, e cila kërkon kurajo dhe dinjitet”, shkruan Rama.
Më herët kryeministri tha nga Dubai ku iku me charter privat pavarësisht ne nafta pritet të shkojë 300 lekë për litër, se qeveria nuk çfarë bën për rritjen e çmimeve duke lënë të nënkuptuar se qytetarët duhet ta gjejnë vetë zgjidhjen për problemet e tyre.
Discussion about this post