Skandali i rrjedhjes së informacionit dhe shpërndarja e informacioneve mbi rrogat e punonjësve të sektorit privat dhe publik në Shqipëri ka bërë që shumë persona të cilët e aksesojnë këtë database, të hulumtojnë rreth rrogave të personazheve të njohur. Një ndër to ishte dhe personazhi më i kërkuar nga shqiptarët në Google për këtë vit dhe kjo për shkak të aventurës së tij në “Big Brother VIP” dhe historitë e dashurisë që e kanë shoqëruar gjatë kësaj kohe.
Të shumtë kanë qenë fansat që janë habitur me rrogën e Donaldit që rezulton se paguhet 300 mijë lekë të vjetra ose saktësisht 30,475.00 lekë të reja bruto. Rroga e ulët e deklaruar e Donaldit ka surprizuar ndërsa e kundërta ka ndodhur me Bora Zemanin, ish-të dashurën e tij. Moderatorja e emisionit ‘Përputhen’ sipas të dhënave të publikuara paguhet 3 milionë lekë të vjetra ose 321,373.00 lekë të reja bruto.
Discussion about this post