Tenderat në shkelje të ligjit nuk kursehen as te ushqimet, madje as kur bëhet fjalë për kategori të veçanta si shërbimet në spitale. Bashkia Elbasan është tashmë e njohur si për tenderët pa gare, edhe për aferat që bën në spitale. Këtë herë 110 milionë lekë nga taksat e qytetarëve ia ka dhënë OIta Sharrës, oligarkes së njohur si “kasapja” e tenderëve. Ajo ka marrë këtë epitet për shkak se pjesën më të madhe të tenderëve i ka a garë dhe fiton ato me vlera më të larta. Ndërkohë tenderi më i fundit që Sharra e ka “kollofitur” në shkelje të hapur të ligjit, si dhuratë nga Gledian Llataj, tenderin me vlerë 110 milionë lekë. Bëhet fjalë për tenderin me numër reference REF-59269-05-28-2020 dhe objekt “Shërbim kateringu dhe shpërndarje ushqimi për spitalin psikiatrik Sadik Dini Elbasan”. Ky tender ka marrë dy flamuj të kuq nga “Open Data” , çka do të thotë se është plotë me shkelje të ligjit të prokurimeve.
Shkelja e parë është se në këtë tender ka marrë pjesë vetëm Olta Sharra, e cila është shpallur fituese edhe pse ka paraqitur ofertën sa 98% e fondit limit. Duke cenuar kështu konkurrencën dhe duke futur në xhep miliona euro fal lidhjeve që ka me ministra, drejtorë dhe kryebashkiakun. Shkelja e radhës, është fakti që ky tender është zhvilluar me procedurë me negocim, çka do të thotë se fituesi ishte paracaktuar. Dhe kjo procedurë është e ndaluar për tendera të tillë në institucione si spitalet. Por, Bashkia Elbasan nuk mund t’i refuzonte kontratën “boses” elbasanase. Kështu 110 milionë lekë “flatruan” ne hanxharin e kasapes Sharra për mish dhe bukë. Për më tepër, vlen të përmendet se produktet e Olta Sharrës kalonin në institucione, madje edhe në spitale pa kontroll. Pasi miqtë e saj drejtorë bënin tolerime për mikeshën e tyre.
Kasapja e tenderëve
Olta Sharra njihet si kasapja e tenderëve për shkak se vetëm në këto vitet e fundit ka përfituar 10 milionë euro tenderë të dyshimtë dhe klientelistë, për furnizim me mish, i cili ngre shumë pikëpyetje sa i takon standardeve dhe cilësisë. Në mars të vitin 2020, Sharra mori tenderin me vlerë 2.7 milionë USD për shërbim gatimi dhe shpërndarje ushqimi për Spitalin e Elbasanit, me ofertë sa fondi limit, pa garë dhe me paracaktim. Procedura ishte korruptive dhe farsë, ndërsa mendohet se janë ndarë të pakën 700 mijë USD. Tenderin e mori nga ish-drejtoresha e Agjencisë së Blerjeve të Përqendruara në Ministrinë e Brendshme Edlira Naqellari, e arrestuar nga SPAK dhe e dënuar nga Gjykata Speciale për tenderin e uniformave të policisë me vlerë 27 milionë euro.
Më herët, Olta Sharra, ka marrë një tjetër tender të ngjashëm me vlerë 2.5 milionë USD, pa garë, me paracaktim dhe sa fondi limit, për shërbim gatimi dhe shpërndarje ushqimi po për Spitalin e Elbasanit.Në të njëjtën mënyrë, Olta Sharra ka marrë në vitin 2020 një tjetër tender me vlerë 800 mijë USD nga drejtoresha e korruptuar Edlira Naqellari, për furnizim me mish të Spitalit të Elbasanit, disa muaj pas tenderit 2.7 milionë USD. Edhe ky tender është zhvilluar pa garë, ndërsa oferta fituese është sa fondi limit. Olta Sharra ka marrë sërish një tender nga Naqellari me vlerë 1.5 milionë USD, për furnizim me ushqime të Drejtorisë së Përgjithshme të Burgjeve.
Tetë tenderë korruptive Olta Sharra i ka marrë nga drejtori i Spitalit të Elbasanit, Arben Ruçi.14 tendera i ka marrë nga Bashkia e Librazhdit, në kohën kur zona ishte në patronazhin e Taulant Ballës. Një tender tjetër me vlerë mbi 500 mijë USD e ka marrë nga Bashkia Elbasan, kur drejtohej nga Qazim Sejdini, si gjithnjë me ofertë sa fondi limit dhe pa garë. Këto të dhëna tregojnë edhe njëherë se ne vendin tonë koncesionet dhe tenderët janë në duart e oligarkëve që bashkëpunojnë me të korruptuarit në krye të vendit/ Esmeralda Hida/ Gijotina.com
Discussion about this post