Ben Blushi ka dhënë dorëheqjen nga drejtimi i Top Channel, televizionit më pranë pushtetit në Shqipëri. Mësohet se, Blushi përmes një e-maili ka njoftuar stafin e Top Channel se pas katër vjetësh në postin e drejtorit të Përgjithshëm të Top Channel, ka vendosur të largohet.
“Duke nisur nga sot nuk do jem më në Top Channel. Me bindjen se sot po largohem nga një kompani më e shëndetshme, më e besueshme dhe më e madhe në krahasim me atë që gjeta para katër vitesh, ju uroj të gjithëve punë të mbarë. Ben Blushi,” shkruhet në e-mail.
Blushi u vendos para katër vitesh në krye të Top Channel. Lajmi në atë kohë u bë me dije nga vetë presidentja e kompanisë, Vjollca Hoxha, në një komunikimin që ka bërë me drejtuesit e departamenteve të Top Channel.
Para se të bëhej pjesë e televizionit, Blushi ka pasur një karrierë mjaft aktive në politikë, si deputet i PS dhe ish-ministër i Arsimit. Ai u largua nga PS pas një përballje me Ramën, ndërsa njoftoi krijimin e partisë së tijj “Libra”, të cilën e mbylli në pak kohë pasi iu ofrua posti i drejtorit të përgjithshëm në Top Cahannel.
Discussion about this post