Liga Profesioniste e Futbollit dhe Federata Shqiptare e Futbollit kanë zhvilluar mbledhje ditën e sotme dhe në fund të saj i drejtuan një kërkesë zyrtare Qeverisë dhe Kuvendit të Shqipërisë për ndryshimin e Ligjit të Sponsorizimeve, si një kërkesë jetike e sportit shqiptar.
Në këtë mbledhje që u zhvillua ditën e sotme ishin të pranishëm drejtuesit e 10 klubeve të Superligës dhe Presidenti i FSHF-së Armand Duka.
Ata bënë propozime konkrete për mënyrën se si do të vijojë dialogu me përfaqësuesit e Qeverisë dhe Kuvendit për ndryshimin e ligjit për sponsorizmet në sport.
Këto palë do të riaktivizojnë negociatat më të gjithë aktorët dhe institucionet përgjegjës për të finalizuar ndryshimet ligjore që do t’i japin një frymëmarrje të madhe sportit shqiptar./K.T/Gijotina.com
Discussion about this post