Një grua e zhveshur në qendrën tregtari via Etnea, në Itali nisi të hidhte në mënyrë të pakuptimtë sende nga ballkoni i shtëpisë së saj. Siç dallohet edhe në videon e publikuar në rrjete sociale ajo hedh nga kati i tretë i godinës dhe objekte të llojeve të ndryshme, si vazo apo mobilje, të cilat u shkatërruan nga përplasja me asfaltin poshtë, duke dëmtuar edhe disa makina të parkuara. Kjo situatë shkaktoi trafik në rrugën poshtë shtëpisë së gruas së zhveshur.
Faqja në Facebook “Inciviltà a Catania”, e ka publikuar videon shkruan:
“Duket se ka arsye serioze familjare pas këtij gjesti. Tashmë ka dhjetëra video, nga poshtë, nga fillimi i nisjes, nga një autobus dhe nga ballkonet e lagjes, me komente audio.”
Ende nuk dihen arsyet që e shtynë gruan e zhveshur të hidhte objekte nga lartësia, por hipoteza e një tradhtie sentimentale që ajo pësoi po përhapet gjithnjë e më shumë. Ajo u pa që përplasi në asfalt edhe djepin (bosh) të një të porsalinduri. Në vendngjarje ka ndërhyrë policia dhe ambulanca, të cilët duket se kanë arritur të qetësojnë gruan.
Discussion about this post