Tashmë është bërë e qartë se institucionet tona kanë disa kompani të preferuara me të cilat bashkëpunojnë në çdo aferë me tenderët. Ministrja e Shëndetësisë, Ogerta Manastirliu, ka një listë më të gjatë me të privilegjuarit e saj, por kur jep dhurata për një kompani shumë të tjera vijnë më pas. Kështu ka ndodhur me kompaninë “EGIAN MED shpk” me administrator Fatos Lashi, e cila së fundmi ka marrë disa tendera në shkelje të ligjit.
I fundit është tenderi me objekt “Blerje Materiale Mjekësore” me vlerë 15 milionë lekë. Për këtë projekt ka paraqitur ofertë vetëm “EGIAN MED shpk”, e cila është shpallur menjëherë fituese, pavarësisht nëse kishte boshllëqe me plotësimin e kritereve dhe oferta ishte sa 89% e fondit limit. Kështu, Manastirliu ka shkelur konkurrencës dhe pikëm për nivelin e ofertës në këtë tender. Ndërkohë ajo që bie në sy është se fituesi është shpallur shumë muaj përpara afatit të përcaktuar. Në dokumentet fillestare fituesi do përcaktohej në shtator, por Manastirliu nuk ka pritur aq gjatë për të gostitur “EGIAN MED shpk” dhe e ka shpallur fituesin ditën e sotme.
Sakaq, sikur thamë prej fillimit, ministrja bën shumë dhurata për miqtë e saj dhe për “EGIAN MED shpk”, ky tender ishte vetëm një copëz. Pasi, 2 ditë më parë kjo kompani ka fituar një tender shumë paradoksal. Prej javësh tashmë masat kundra COVID-19 janë reduktuar ndjeshëm, duke përfshirë këtu edhe heqjen e detyrimit për mbajtjen e maskave në mjediset e hapura. Por pavarësisht kësaj, tenderët për blerje maskash vazhdojnë në mënyrë të frikshme. Kështu në datë 02.06.2021 janë shpallur fituesit e tenderit me objekt “Blerje materiale të ndryshme për pastrim (e ndarë në 3 Lote, përfshirë artikujt kundër COVID-19)”. Konkretisht, në lotin janë kërkuar të blihen maska mbrojtëse dhe një nga dy kompanitë fituese ishte “EGIAN MED shpk”. Të dhënat nga Agjencia e Prokurimeve Publike evidentohet se nga viti 2020 “EGIAN MED shpk” ka përfituar disa tenderë me objekt “blerje materiale mbrojtëse kundër Covid-19”. Ku secila prej tyre kap vlerat mbi 20 milionë lekë. Pra, Fatos Lashi dhe Ogerta Manastirliu duke se paskan një miqësi mjaft të mirë.
Discussion about this post